Bac’het en ti ganeoc’h war an hentoù, el labour, er gêr. Bemdez e kinnigomp deoc’h un hantereurvezh abadenn fresk, kronikennoù, titouroù pleustrek hag atersadennoù, graet deus hor saloñsioù.

Gant Enora Moalic e vimp, skarzhet eo bet deus ur stal e Douarnenez peogwir e oa gant he babig.
(‘Maez lezenn eo : dgcs-coursesparentsisoles@social.gouv.fr)
An douar ne grenn ket kement abaoe m’eo kenfinet ul lodenn vat deus ar boblans.
Lou ha Melaine a zo bac’het en ti gant bugale abaoe miz bremañ, penaos en em dennont ?

Titouroù pleustrek ar c’henfinañ e fin an abadenn.

https://www.force-ouvriere.fr/_ud-fo-29-finistere_

Pellgargañ an abadenn

Bac’het en ti, an abadenn graet deus ar gêr gant skipailh Radio Kerne ha Radio Naoned !
Tem an abadenn : an endro
Laetitia a ginnigo deomp al Liamm etre saotradur ha mervel gant ar viruskurunenn.
Benjamin a rento kont deus stad an traoù e Amazonia p’emañ c’hoazh Bolsonaro e penn Bro Vrazil.
Dominique Merrien a lâro deomp petra zo da welet en oabl evit ar mare : planedennoù, stered, steredegoù ha dared.
Titouroù pleustrek an dispell e fin an abadenn.

Sikour pobl DZ, mirout ur pakad boued : 02 98 92 19 62
dgcs-coursesparentsisoles@social.gouv.fr
Sikour skol Diwan Naoned https://urlz.fr/cqBz

Pellgargañ an abadenn

Bac’het en ti, an abadenn a bado ur miz c’hoazh da nebeutañ. Savet eo deus saloñsioù reoù skipailh Radio Kerne ha Radio Naoned, enrollet e chaosonioù ha kaset deoc’h gras da vurzhud ar gwagennoù !

Betek an 11 a viz Mae e pado an dispell, da neuze e ‘tigorfe en-dro ar skolioù ha skolajoù tamm ha tamm. Deus se ‘vo kaoz er gronikenn savet gant Melaine ha Lou, bac’het er gêr gant o bugale.
Fañch Rebours ‘neus savet ur chadenn Youtube evit ar vugale vihan, aterset eo bet gant Tunvezh Wloagen-Grandjean.
Laetitia Fitamant a gonto deomp istor Mari Difoïd, unan eus skouerioù brudetañ un dougerez yac’h.
Ha Gwenn Meynier a raio deomp un diverradenn eus ar poelladoù sur ha frank a c’heller implijout evit eskemm gant h·e familh ha kenseurt·ez·ed.

Titouroù pleustrek ar c’henfinañ e fin an abadenn.

Maouezed/Bugale, pelec’h kavout sikour : https://urlz.fr/cpbS
Gwriat flotantennoù : https://urlz.fr/cpbW

Pellgargañ an abadenn

Bac’het en ti, an abadenn graet deus ar gêr gant skipailh Radio Kerne ha Radio Naoned.
Wayne Mockerman, amerikan deus ar c’holorado a gomz deomp deus politikerezh Trump, deus an armoù ha deus an afroamerikaned tapet muioc’h eget ar re all.
Erwan ar Berr, rener skolaj Diwan Kemper ‘vo ganeomp.
Ar Redadeg 2020 ne vo ket redet ar bloaz-mañ, Mael Thépault, deus kuzul-merañ ar Redadeg, a zisplego deomp ar pezh zo bet divizet ganto.
Titouroù pleustrek e fin an abadenn.

Kinniget gant Morgane Bramoullé, danvez gant Marianne Vaidie, Benjamin Bouard, Lou Millour ha Melaine Looten.

Pellgargañ an abadenn