Bac’het en ti, an abadenn kaset deus saloñsoù skipailh Radio Kerne ha Radio Naoned.
Deus buzhug-mor ‘vo kaoz gant Laetitia, gwad ar buzhug mor evit saveteiñ an dud klañv, un tournamant poker er gêr ‘vo kinniget deomp gant Marianne, ‘neus gellet kas he atersadenn gant he enroller, p’eo aozet an darvoud meur en he zi ! Ha Lou ha Melaine a eskemmo diouzthu deus ur sujed a lak ur bern kerent diaes, ar chadenn bedagogel.
Titouroù pleustrek hag agenda an dispell e fin an abadenn !
Kaset gant Morgane Bramoullé.
Bac’het en ti #2
Bac’het en ti, an abadenn kaset deus tiez skipailh Radio Kerne ha Radio Naoned.
En enor da Louise Ebrel, aet d’an anaon. Ro vo skañv an douar dezhi.
En abadenn hiziv fardet deus hon tiez e vimp en-dro gant Kami Toulgoat, edukatourez e Lyon dre Skype. Laetitia zo chomet er gêr evit sevel he c’hronikenn diwar-benn Randomma, ul lec’hienn internet a zispak prederioù a-bep seurt. Benjamin ‘neus fiñvet eñ evit gellet atersiñ Kaou Dono, skolaer, dre bellgomz deus studio Radio Kerne.
Bac’het en ti #1
Marianne ‘vo gant Kami Toulhoat edukatourez e Lyon dre Skype, Laetitia ‘neus bet tro enrollañ he zamm preder er gêr gant he enroller, Lou ha Melaine o deus eskemmet hag enrollet o c’hronikenn dre skype ha Morgane zo gant he mikro bihan en he burev er gêr gant he chosonioù hag he banne kafe.
Bac’het en ti skipailh Radio Kerne ha Radio Naoned met ganeoc’h c’hwi a zo ivez o labourat deus a bell, oc’h ober war dro ho pugale, hag a zo war an hentoù, en ospitalioù pe er stalioù.
Bac’het en ti
An abadenn nevez gant skipailh Radio Kerne ha Radio Naoned, Bac’het en ti, abadenn ar c’henfinañ, hag Adkroget ganti, anv nevez an abadenn adalek an 11 a viz Mae.
Serret eo studioioù Radio Kerne ha Radio Naoned met dalc’het hon eus da eskemm etrezomp dre Skype ha Discord, eskemmet hon ‘neus kantadoù a jifoù hag omp en em aozet evit gellet adober un abadenn pemdeziek, pep hini deus e du gant an dafar a c’hellemp staliañ er gêr. Kalite ar son ne vo ket ken uhel anat deoc’h met a-drugarez d’an teknologiezhioù hiniennel a zo a galite uheloc’h uhelañ e c’hellimp kinnig deoc’h atersadennoù, kronikennoù ha titouroù a-bep seurt en hantereurvezh abadenn-mañ.
